Svíþjóðarferð |
|
|
Auður og Emelía leggja haf og land undir fót og flytja til lands öryggisins.
Ýmislegt
Linkar
|
laugardagur, febrúar 22, 2003
Allir rólegir. Það stendur í myndahorninu okkar að það séu 466 myndir inni sem er alveg satt. Almúginn hafið hins vegar ekki aðgang nema að rúmlega 100, hinar eru allar svo dónalegar. Nei, nei, bara grína. Ég er að setja inn texta á myndirnar svo þetta tekur smá tíma. Núna getið þið séð fleiri myndir í möppunni Jól og áramót. Í dag eignaðist ég nýja íþróttaskó, þeir líta allavega út fyrir að vera nýjir. Ég litaði nefnilega íþróttaskóna mína, þeir voru orðnir hrikalega druslulegir fyrir löngu. Þetta tók svona 4 tíma í heildina (lita, skola, fixa og þurrka) en margborgaði sig þar sem nýjir skór kosta svona 8 þúsund og það tekur mig vanalega nokkur ár að finna "réttu" skóna (búin að vera að leita í 2 ár núna), ég er nefnilega með smá sérþarfir og miklar skoðanir á íþróttaskóm. Tók fyrir vesenið með táfýluna í föðurlandinu mínu áðan, klippti sokkahlutana af og faldaði. Einfalt, ef það er ekkert til að setja táfýlu í, þá kemur engin táfýla. Eða hvað! |