Svíþjóðarferð |
|
|
Auður og Emelía leggja haf og land undir fót og flytja til lands öryggisins.
Ýmislegt
Linkar
|
föstudagur, ágúst 13, 2004
Ég á ekki eitt einasta orð og áfram ísland bara. Var að skoða myndir frá Gay pride á Ísl og ég er ekki frá því að pride heima hafi verið miklu MIKLU flottara í Reykjavík (íbúafjöldi 150 þús með úthverfum) en í stokkhólmi (íbúafjöld 1.5 millj. með úthverfum). Rosalega flott atriði sýndist mér á öllu sem mikið var fyrir haft. Ísland ER best í heimi. Adeins i takmarkadan tima: Myndir fra Gay pride i Stokkholmi. Thaer eru svo margar ad vid munum liklega henda theim ut fljotlega til ad spara plass. fimmtudagur, ágúst 12, 2004
Það var svo heitt hjá okkur í seinustu viku að við gátum eiginlega ekki sofið. Á Sunnudaginn sváfum við því með rök viskustykki á táslunum. Við sáum að þetta gengi nú ekki lengur og keyptum viftu, svona til að standa á borði. Þvílíkur munur að sofa núna. Reyndar verð ég að sofa með eyrnatappa útaf viftunni þótt hún sé alveg einstaklega lágvær blessunin, ég er bara soddan prinsessa. Þið verðið víst að bíða lengur eftir myndunum frá Íslandsferðinni því það gleymdist að setja þær á disk þegar við létum framkalla. Þessar myndir voru nefnilega teknar á gömlu myndavélina. Núna notum við að sjálfsögðu bara nýju digital myndavélina okkar sem hann Baldur var svo elskulegur að kaupa fyrir okkur, takk æðislega Baldur! Lífið er orðið miklu skemmtilegra eftir að við fengum myndavélina. Við (eða ég öllu heldur) er oft að taka video með henni (hún er svo tæknileg) og auðvitað smellum við ótt af hinu og þessu. Þið munum því sjá mun fleiri myndir héðan í frá og líka mun fyrr en áður. Það gengur náttúrulega ekki að vera að sýna ykkur hálfs árs gamlar myndir eins og við höfum verið að gera :) miðvikudagur, ágúst 11, 2004
Og hér eru rosa fínar myndir teknar á nýju myndavélina okkar. Þetta er hjólatúrinn sem við fórum í um helgina í góða veðrinu. Leiðin var 12 km því við villtumst dálítið. Komnar nýjar gamlar myndir frá jólunum í fyrra og heimsókn mömmu og ammanna minna í fyrra. Þetta eru allt myndir frá mömmu og Þorvarði. Meira góðgæti er á leiðinni... mánudagur, ágúst 09, 2004
Til hugleiðingar: Dauðarefsingar hafa verið teknar upp í Írak af öryggisástæðum. Dæma má menn til dauða fyrir morð, mannrán og fíkniefnabrot (skv. sænska ríkissjónvarpinu). Á laugardaginn fórum við í hjólatúr að vatni sem á að vera rétt hjá nýja hverfinu okkar. Við villtumst aðeins á leiðinni og tókum risastóran aukahring en þegar honum var lokið sátum við við vatnið og spiluðum scrabble og borðuðum ávexti. mmmMMMmmmm. Það var rosa kósí og rómó. Í gær var of heitt til að gera nokkuð, við urðum að vera inni. Annars kom Hrönn til okkar á föstudagskvöldið og við grilluðum og horfðum á DVD frá Hauki. Við fylgdum henni að lestarstöðinni um hálfeitt til að viðra okkur. Íbúðin okkar er svo ógeðslega heit, þar er næstum ólíft í þessum hita sem er núna. Ef við viljum tala saman eða horfa á sjónvarpið getum við ekki haft opið út því þá gæti tussann heyrt í okkur :( Í dag fáum við myndirnar okkar frá íslandi til baka. Við munum reyna að setja þær á netið í vikunni en á morgun ætlum við að reyna að setja inn myndir sem Emelía setti texta við í gær. |